Kambionan mas importante impuestonan di Gobièrnu Sentral Hulanda Karibense 2024
Desde 10 di òktober 2010 Boneiru, Sint Eustatius i Saba (Hulanda Karibense) ta entidatnan públiko di Hulanda. Entrante 1 di yanüari 2011 Hulanda Karibense konosé un sistema fiskal nobo. Den e anekso akí ta splika e kambionan mas importante den e sistema fiskal di Hulanda Karibense entrante 1 di yanüari 2023.
Na Hulanda Karibense Belastingdienst ta responsabel pa rekargo i kobransa di inkomstenbelasting, loonheffing, opbrengstbelasting, algemene bestedingsbelasting, vastgoedbelasting, overdrachtsbelasting, kansspelbelasting i akseins. Banda di eseinan e entidatnan públiko ta kobra un kantidat di impuesto lokal ku por varia pa isla.
Anualmente ta ahustá, meskos ku na Hulanda Oropeo, e diferente sumanan den e leinan fiskal ku un korekshon di inflashon miksto. Pa hasi esei Hulanda Karibense ta disponé di su propio tabèl di faktor di korekshon. Pa 2024 e korekshon di inflashon akí ta suma 7,3%, loke ta enserá ku ta oumentá tur e sumanan relevante ku 7,3%.
Doñonan di vèn i pikòp ta paga e tarifa haltu di algemene bestedingsbelasting
Pa importashon di pikòp (ku un kabina so) entrante 1 di yanüari un tarifa mas haltu di algemene bestedingsbelasting ta na vigor (na Boneiru 25%, na e islanan ariba tin un tarifa progresivo basá riba e balor di importashon, ku ta konsistí di 10%, 18%, 22% i 30%).
Abolishon di integratieheffing
Na 2014 a abolí e integratieheffing den btw na Hulanda Oropeo. E integratieheffing den algemene bestedingsbelasting ta kaduká awor na Hulanda Karibense tambe. E rekargo akí tabata pèrkurá pa puntonan problemátiko riba merkado di bibienda. Komo ku e integratieheffing ta kaduká, pa empresarionan ta bira mas simpel pa hür kasnan ku nan mes ta traha.
Areglo pa empresarionan chikitu (Kleine Ondernemersregeling) (KOR)
Ta hisa e márgen di volúmen di benta den e algemene bestedingsbelasting pa empresarionan chikitu entrante 1 di yanüari 2024 di USD 20.000 na USD 30.000. Usuarionan di e areglo aki no mester entregá e algemene bestedingsbelasting ku kobra nan.
Adaptashon di kondishonnan di opbrengstbelasting
E kondishonnan pa aplikashon di opbrengstbelasting pa kompanianan holding ta kambia. E alkanse pa aplikashon ta bira mas amplio, pero e kondishonnan legal pa demas aktividat ta bira mas riguroso. Asina gobièrnu por kombatí mal uzo mihó ora di duna un vestigingsplaatsbeschikking (desishon di sitio di establesimentu).
Obligashon pa meldu vastgoedbelasting ora kumpra kas of edifisio komersial
Doñonan nobo di bibienda òf edifisionan komersial ta obligá di mèldu esaki nan mes. Ademas doñonan di kas òf edifisionan komersial mester mèldu nan mes tambe si nan no risibí un aanslag di belasting pero ku lo mester a risibí esaki si. Sino nan ta kore riesgo di haña but.
Ta hasi e suma liber di impuesto igual na e suèldu mínimo
Ta hisa e suma liber di impuesto di USD 17.352 pa USD 20.424. No tin ku paga imkomstenbelasting, prima di AOV, AWW i prima di seguro di kuido riba e parti aki di e entrada suheto na impuesto.
Oumentu di e montante minimal di e suèldu habitual den loonbelasting hulanda karibense
Gebruikelijkloonregeling ta enserá ku e persona ku tin por lo ménos 5% di e akshonnan i ta hasi trabou pa e kompania ei, ta ser konsiderá ku e ta risibí un suèldu ku ta normal pa e nivel i durashon di su trabou. Punto di salida pa e komparashon ta e relashon di trabou ku ta mas komparabel ku esun di e akshonista. Ta stipulá e suma standart pa aplikashon di e gebruikelijkloonregeling riba dos bia e montante di e suma liber di impuesto. Den 2024 esei ta bira USD 40.848.
Abolishon di eksonerashon di dividendo
Ta kanselá e eksonerashon di dividendo te USD 5.000 den inkomstenbelasting por kompleto. Ta konta dividendonan kompletamente komo entrada taksabel.
Belasting mínimo
Ta introdusí un belasting mínimo ku un tarifa di 15%. Empresanan ku ta operá internashonal ku un volúmen di benta riba base anual di por lo ménos € 750 mion, ku tin un establesimentu na Hulanda Karibense, tin ku paga e belasting akí.