Duana ta interseptá produktonan ilegal riba barku di fruta na Boneiru
Durante di kòntròl riba e barku di fruta maria de la Paz, prosedente di Venezuela, a topa ku algun produkto di kua importashon ta prohibí.
Ta trata di e siguiente produktonan:
- 10 saku ku 10 blòki di keshi blanku
- 34 saku ku karni fresku
- 3 saku ku piska fresku
E produktonan tabata skondí na diferente parti na bordo di e barku di fruta.
A notifiká e deportamentu di Salubridat Públiko di entidat públiko Boneiru despues di kua a konfiská i destruí e produktonan haña. Ta trata di un total di 280 kilo di produkto prohibí pa importá, ku a destruí. E produktonan aki ta pará komo prohibí pa importá den e akuerdo ku a stipulá na momentu ku a habri frontera bek ku Venezuela.