Areglo spesial pa debe di impuesto pa empresario

A base di e dekreto desishon medidanan di emergensia krísis di corona karibense tabata posibel pa empresario ku pa motibu di e krísis di corona a haña su mes konfrontá ku problema di likides, haña suspenshon di belasting pa su debe di belasting (denominá aki bou komo: suspenshon spesial). 
E periodo pa kua e suspenshon spesial ta konta a sera riba 30 di sèptèmber 2021. E suspenshon p’esei no ta konta pa ‘aanslag’ di belasting imponé òf ku a keda imponé desde 1 di 1oktober 2021 òf pa obligashon di pago pa ‘aangifte’ di kua e fecha di vensementu ta vense despues di 30 di sèptèmber 2021. 

Bou di sierto kondishon un areglo di pago spesial ta posibel.
Kondishonnan di e areglo di pago spesial:

  • E ‘debe di corona’ mester ta pagá promé ku 1 di òktober 2027. En prinsipio esei ta sosodé den 60 término mensual igual di kua e promé ta vense promé ku 31 di òktober 2022. E siguiente término ta vense kada bia un luna despues. 
  • Den kaso ku por resultá ku e pago segun e skema di pago ariba menshoná no ta posibel pa bo, di antemano bo mester proba esei di forma aseptabel. Den e kaso ei por traha un otro areglo di pago, basta ku ademas por proba di forma aseptabel ku lo kaba paga e ‘debe di corona’ kompleto pa mas tardá riba 1 di òktober 2027.
  • Mester kumpli kompletamente ku obligashon koriente denter di e término vigente pa esei. Esaki a trata pues tur obligashon di pago fiskal desde 1 di òktober 2021.
  • Den kaso ku no kumpli ku e kondishonnan ariba menshoná por revoká e areglo di pago despues ku manda un rekordatorio. 
  • Na final di e areglo di pago mester paga tambe e interes ku debe. Ta kalkulá e interes segun e siguiente tarifanan.
    -    Un porsentahe di 0,0 pa e periodo di 23 di mart 2020 te ku 31 di desèmber 2021;
    -    Un porsentahe di 1,0 pa e periodo di 1 di yanüari 2022 te ku 30 di yüni 2022;
    -    Un porsentahe di 2,0 pa e periodo di 1 di yüli 2022 te ku 31 di desèmber 2022;
    -    Un porsentahe di 3,0 pa e periodo di 1 di yanüari 2023 te ku 31 di desèmber 2023; i
    -    Un porsentahe di 6,0 pa e periodo for di 1 di yanüari 2024.

Resumiendo: kompanianan ta haña e oportunidat pa paga debe di belasting akumulá durante e temporada di corona pa medio di pago mensual entrante 1 di òktober 2022. Kondishon ta ku durante di e areglo di pago e empresario ta kumpli estriktamente ku su obligashon di pago koriente. Ora di paga e debe di belasting bèk e empresario mester hasi uzo di e referensia di pago ku Belastingdienst CN suministrá.

Pa mas informashon tokante kon e debe di belasting akumulá (‘debe di corona’) ta hinká den otro i ta desaroyá, empresario por tuma kontakto ku Belastingdienst CN via Invordering@belastingdienst-cn.nl.