MijnCN: ta inisiá ku ‘2-factor authenticatie’ entrante promé di sèptèmber

Komo ku un usuario por firma su asuntunan gubernamental di su kuenta di MijnCN, seguridat ta para na promé lugá serka MIjnCN. P’esei ta sigurá datonan na diferente manera. Mundialmente seguridat sibernétiko ta birando un punto di atenshon mas i mas importante. P’esei entrante promé di sèptèmber 2022 ta bira nesesario  pa tur usuario aktivá e ‘2-Factor Authenticatie’ di nan kuenta di MijnCN.

Si e usuario ya kaba a aktivá e ‘2-Factor Authenticatie’ pa asuntunan di e servisio Asuntunan Sosial i Labor (SZW), no mester hasi esaki di nobo pa asuntunan di BelastingdienstCN. Pa mas informashon òf pa yudansa ku aktivashon di e ‘2-Factor Authenticatie’ di bo kuenta di MijnCN, wak riba www.mijncn.nl/inloggen.  Aki bo ta haña splikashon amplio i tambe un vidio di instrukshon.

Na yanüari 2021 a lansa MijnCN. MijnCN ta e plataforma ‘online’ pa servisionan gubernamental na Hulanda Karibense. Habitante i empresa por regla su asuntunan fásil, seif i rápido serka e servisionan afiliá. BelastingdienstCN tabata e promé servisio riba e plataforma, riba kua awor por hasi deklarashon di ‘Inkomstenbelasting’, ABB i ‘Loonheffing’. E servisio di Asuntunan Sosial i Labor tambe ya ta ofresé servisionan ku ‘2-Factor Authenticatie’ riba e plataforma.

MijnCN: fásil, seif i rápido