Verzamelloonstaat (VZLS) i Opbrengstbelasting (OPB) awor tambe riba MijnCN
Entrante 7 di novèmber kompania i organisashonnan di awor pa dilanti por entregá verzamelloonstaat (VZLS), kuenta anual i hasi deklarashon di Opbrengstbelasting (OPB) via e plataforma MijnCN.
Pa VZLS e kambio mas grandi ta un otro portal komo esaki ya kaba por a hasi esaki ‘online’ pero via e wèpsait di Belastingdienst. Tur verzamelloonstaat ku a entregá den pasado riba e portal bieu, ta keda disponibel riba MijnCN. Riba MijnCn bo por outorisá un terser tambe pa regla asuntunan spesífiko di impuesto, sin mester kompartí bo mes informashon di ‘log-in’.
Pa loke ta trata OPB, ántes por a entregá tantu e kuenta anual komo e opbrengstbelasting solamente riba papel. Awor ta eksistí e posibilidat pa hasi esaki ‘online’ tambe for di aña finansiero 2021. Awor aki esaki ta posibel via MijnCN di manera mas efisiente i rápido. Ademas tur kuenta anual i deklarashon ku entregá via MijnCN ta bira semper disponibel.
Pa mas informashon tira un bista riba www.mijnCN.nl.
Na yanüari 2021 a lansa MijnCN. MijnCN ta e plataforma ‘online’ pa servisionan gubernamental na Hulanda Karibense. Habitante i empresa por regla su asuntunan fásil, seif i rápido serka e servisionan afiliá. BelastingdienstCN tabata e promé servisio riba e plataforma, riba kua te ku awor por a hasi deklarashon di ‘Inkomstenbelasting’, ABB i ‘Loonheffing’. Ku e ekspanshon ku VZLS i OPB tur servisio digital di Belastingdienst ta kai bou di 1 portal: MijnCN.nl. E servisio di Asuntunan Sosial i Labor tambe ya ta ofresé servisionan riba e plataforma i pronto lo ekspandé e servisionan..
MijnCN: fásil, seif i rápido.