Aanslag di vastgoedbelasting ta na kaminda
Belastingdienst CN ta bai manda aanslag di vastgoedbelasting 2021 e luna akí. Ta kobra vastgoedbelasting di doñonan di bien inmóbil, manera un di dos kas i edifisio empresarial na Boneiru, Saba i Sint Eustatius. E bibienda ku e doño ta usa komo bibienda prinsipal ta eksonerá di vastgoedbelasting i ta kai bou di grondbelasting. Pa otro eksonerashon bo por konsultá nos wèpsait.
E tarifa di impuesto di vastgoedbelasting ta 17,5%. Ta apliká e tarifa akí basá riba un benefisio kalkulá di 4% di e balor di e bien inmóbil. E vastgoedbelasting ta suma ku esei efektivamente 0,7% di e balor di e bien inmóbil.
Ehèmpel 1:
E balor di e kas ta USD 200.000. Tin un eksonerashon di USD 70.000. Ta kalkulá e impuesto riba USD 130.000. E kobransa general ta: 0,7% vastgoedbelasting = USD 910. Montante di ‘opcenten’ (solamente na Boneiru) USD 273,=. E kobransa total den e aña ei ta suma USD 1.183.
Si ta trata di un hotèl e tarifa ta 10% i ta kobra efektivamente 0,4% na vastgoedbelasting.
Ehèmpel 2:
Balor di e hotèl ta USD. 200.000. Kobransa pa sektor hotelero: 0,4% vastgoedbelasting = USD 800. Montante di ‘opcenten’ (solamente na Boneiru) USD 240. E kobransa total den e aña ei ta suma USD1.040.
Opcenten Boneiru
Pa asuntunan inmóbil na Boneiru ta oumentá e aanslag vastgoedbelasting ku 30% pa Entidat Públiko Boneiru.
Pagamentu
Riba e ‘aanslagformulier vastgoedbelasting’ tin pará kon bo por paga. Bo mester paga e aanslag den un solo tiru. Si esei ta kousa problema bo por sera un areglo di pago ku ontvanger di Belastingdienst CN.
Pa mas informashon bo por wak riba nos wèpsait:
https://www.belastingdienst-cn.nl/onderwerpen/vastgoedbelasting