Ya basta aangifte a drenta na BCN
Den febrüari último, Belastingdienst a kuminsá manda e invitashonnan pa por hasi deklarashon. E aña aki, mester entregá e deklarashon di Inkomstenbelasting pa mas tardá 16 di mei.
Por hasi e aangifte online via www.MijnCN.nl. Via e plataforma aki por garantisá mihó seguridat i efisiensia di e servisionan online. Hopi ta esnan ku a hasi nan deklarashon online aña pasá. Nos ta spera ku esaki lo ta e kaso tambe e aña aki.
E bentaha di hasi deklarashon online ta ku esaki ta mas rápido i fásil. I den mayoria kaso bo por mira inmediatamente kuantu sèn lo bo haña bèk òf bo tin ku paga. Tambe, ta manda un konfirmashon mes ora (digital) na momentu ku entregá e deklarashon. Bo por ‘log in’ na mijncn.nl/mijncn-diensten/belastingdienst-caribisch-nederland . Si ainda bo no tin un kuenta, bo por registrá na e lenk ariba menshoná.
Na momento di prosesá ta tene kuenta ku e tempu di entrega. Ta posibel ku ta dura mas largu pa bo haña bo ‘aanslag’ den kaso ku ta mas drùk, si e aangifte ta tuma mas tempu pa prosesá òf si e ta generá pregunta. Si bo entrega bo aangifte promé ku 16 di mei, ta prosesá esaki mas pronto posibel, pero pa mas tarda promé di novèmber. Esaki ta nifiká ku si bo tin derecho riba sèn bèk, bo tin chèns ku bo ‘aangifte’ ta keda den proseso te ku mas tarda promé di novèmber. Despues di prosesá di bo aangifte bo ta haña bo sèn bèk (sí bo tin derecho riba esaki). Nos ta pidi bo pa tene pasenshi i pa no tuma kontakto ku Belastingdienst. Nos ta trahando duru pa prosesá tur aangifte mas pronto posibel.