Modifikashon di e Lei di Prevenshon di Labamentu di Plaka i Finansiamentu di Terorismo BES i Maneho di But Atministrativo Fondonan di Likides Duana CN
Riba promé di yüli 2021, lo drenta na vigor un modifikashon di e Lei di Prevenshon di Labamentu di Plaka i Finansiamentu di Terorismo BES (WWFT-BES). Esaki lo reforsá e medidanan preventivo kontra labamentu di plaka i finansiamentu di terorismo na Hulanda Karibense.
Aki ta sigui e modifikashonnan prinsipal den e parti ku ta kai bou di outoridat di Duana CN.
Ampliashon (di e definishon) di fondonan di likides; kiko esakinan ta?
For di awor, aparte di sèn, fondonan di likides tambe lo inkluí oro, metal presioso, djamante, i otro piedranan presioso. Investigashon a demostrá ku e merkansianan aki regularmente ta krusa frontera den kuadro di e proseso di labamentu di plaka.
Informashon riba e formulario di deklarashon
A amplia e informashon rekerí riba e formulario di deklarashon, kual personanan ku ta drenta i sali mester yena.
E límite di balor, es desir, un balor kombiná di USD 10,000 òf mas, a keda meskos.
Obligashon di notifikashon transporte no kompañá di fondonan di likides
A establesé reglanan nobo pa e transporte no kompañá di fondonan di likides, manera postcolli (pakete postal), servisio di mensahero (koerier), ekipahe no kompañá òf karga via kònteiner ku un balor kombiná di 10,000 USD òf mas. Debí ku praktiká a demostrá ku tambe ta produsí aktividat kriminal regular ku e tipo di merkansianan aki, a introdusí un obligashon di notifikashon. Komo resultado, ta kontrolá e tipo di transportenan aki mas efektivo i riba petishon di duana mester hasi un notifikashon. Esaki lo resultá den un kontròl mas efektivo di e tipo di transportenan i riba petishon di duana mester hasi un notifikashon.
Obligashon di notifikashon pa montantenan bou di 10.000 USD
Duana por hasi un petishon pa un notifikashon ora ta transportá fondonan di likides bou di e límite di balor di USD 10,000, si tin indikashon ku e transporte aki ta relashoná ku aktividat kriminal. E outorisashon ta aplikabel tantu pa transporte dor di personanan komo transporte no kompañá.
Maneho di but tokante fondonan di likides
A modifiká altura di e montantenan di but den e Maneho di but pa fondonan di likides. Si un persona violá e reglanan, lo hasi un distinshon entre intenshonalmente i no intenshonalmente.
Pa altura di e butnan, esaki ta nifiká lo siguiente:
|
Violashon di e Obligashon pa hasi un Deklarashon |
Altura di e but atministrativo |
|
Sin intenshon |
10% di e balor total den USD (te ku un but máksimo di USD 14.000) |
|
Intenshonal |
30% di e balor total den USD (te ku un but máksimo di USD 14.000) |
Pa kualke pregunta tokante e modifikashonnan legislativo aki i su ehekushon, por manda un email pa: douane@belastingdienst-cn.nl