E islanan Boneiru, Sint Eustatius i Saba huntu ta forma Hulanda Karibense i ta parti di Hulanda. E islanan konosé un legislashon di duana independiente. Esei ta nifiká ku tur hende ku riba un di e islanan ta importá, eksportá òf pasa den tránsito, ta haña nan mes ku formalidatnan di duana, irespekto for di unda e merkansia aki ta bini.
Pues esei ta konta tambe si bo hiba merkansia por ehèmpel for di Hulanda Oropeo pa Boneiru. E formalidatnan di duana tambe ta aplikabel totalmente den e tráfiko di merkansia entre e islanan aki. Aki bo ta haña informashon en partikular dirigí riba empresario, tokante formalidat di duana ora di importá, eksportá i pasa merkansia den tránsito.