Pregunta i kontesta
- Risibí: Bo deklarashon a drenta serka nos i ainda nos mester bai evaluá esaki.
- Den proseso: Aktualmente bo deklarashon ta den evaluashon.
- Prosesá: Bo deklarashon ta evaluá. Bo ta risibí e aanslag via pòst. Si bo tin derecho riba un restitushon, lo transferí e montante outomátikamente pa bo kuenta di banko.
Bo ke hasi pregunta? Por fabor indiká ki dia bo a entregá e deklarashon i si esaki a tuma lugá ònlain òf riba papel. Por fabor duna bo number di telefòn tambe pa asina nos por tuma kontakto ku bo si ta nesesario.
Entregá bo deklarashon nobo denter di e fecha límite spesifiká. Den e evaluashon lo por tene kuenta tambe ku bo deklarashon di e aña anterior. Si bo no a risibí un mensahe despues di e fecha límite ku a komuniká, por fabor tuma kontakto ku nos.
No ta tur deklarashon tin e mesun tempu di prosesamentu. Esaki ta dependé entre otro di e kontenido di e deklarashon i e informashon nesesario pa e kòntròl. Pa deklarashonnan entregá no mas lat ku 18 di mei, nos meta ta pa duna un kontesta promé ku promé di novèmber. Si bo no a risibí nada despues di promé di novèmber, por fabor tuma kontakto ku nos.
Nos empeño ta pa evaluá e deklarashonnan entregá na tempu no mas lat ku promé di novèmber. Den algun kaso, e evaluashon por dura mas largu, por ehèmpel, ora ta nesesario pa haña informashon adishonal. E límite di tempu legal pa emití un ‘aanslag’ ta tres aña.
Nò. Deklarashonnan ònlain no ta haña preferensia di proseso, pero hopi biaha por prosesá nan mas lihé pasobra e datonan ta yega direktamente di forma digital na e departamento korekto.
Un deklarashon riba papel mester drenta i registrá promé. Seguidamente, ta introdusí na man e datonan den e sistema promé ku por evaluá e deklarashon. Pa e motibu akí, prosesamentu por tuma mas tempu.
E montante ku ta mustra durante e kalkulashon ònlain ta unu provishonal. Ta despues di e momentu di e evaluashon final di e deklarashon ta determiná e aanslag definitivo.
Durante e evaluashon, Belastingdienst por hasi korekshon. Komo resultado, e montante final por ta mas abou òf mas haltu. Por kompensá un restitushon tambe kontra montantenan ku ainda ta pendiente serka Ontvanger.
Ta posibel ku ainda nos ta warda riba informashon di bo dunadó di trabou, manera estado di entrada kompilá. E datonan aki ta nesesario pa verifiká bo deklarashon.
No tin un retraso general di prosesamentu. Sinembargo, un deklarashon individual di belasting por keda pendiente mas largu si mester di dato adishonal, por ehèmpel, un ‘verzamelloonstaat’ di un dunadó di trabou.
Ta prosesá deklarashon entregá despues di e fecha límite denter di e periodo legal regular. Ta apliká un límite di tres aña pa e imposishon di un ‘aanslag’.
E deklarashon ainda lo ta den proseso. Lo risibí e ‘aanslag’(nan) mas pronto posibel via pòst òf via BerichtenboxCN.
Ta prosesá e deklarashonnan di belasting denter di e límite di tempu aplikabel i basá riba fecha di entrega. Pa e motibu ei, no ta semper posibel pa prosesá un deklarashon mas pronto.
E montante ta dependé entre otro di bo entrada, e belasting retené, i e dedukshonnan ku bo tin derechi ariba. E montante final ta konosí solamente despues ku bo deklarashon ta evaluá i a determiná e ‘aanslag’.
Pa pregunta di kontenido tokante bo deklarashon òf ‘aanslag’, bo por manda un imeil na balie@belastingdienst-cn.nl. Tambe por bishitá e lokèt. E lokèt ta habrí di djaluna pa djabièrnè di 8 or di mainta pa 1 or di mèrdia.
Pa pregunta supstansial tokante bo deklarashon òf ‘aanslag’, bo por manda un imeil na balie@belastingdienst-cn.nl.