Den transkurso di 2026 BCN ta inisiá ku e pilot “Supervishon Pro Aktivo”. Supervishon pro aktivo ta señalamentu trempan di rísikonan fiskal i guia di kontribuyente, ku meta pa evitá eror promé ku esakinan presentá. E metanan pa esaki ta: oumentá kumplimentu boluntario ku lei i regulashonnan fiskal (compliance) i promové seguridat hurídiko pa e kontribuyentenan. E supervishon pro aktivo ta dirigí su mes na promé instante riba proyekto nobo grandi i proyekto aktual den e sektor di konstrukshon i infrastruktura, kompanianan ku struktura fiskal kompleho i sektornan ku riesgo haltu den e sistema di ABB, OPB i loonheffing. Tratamentu fiskal igual, transparansia i kumplimentu (compliance) ta e palabranan klave mas importante den e piloto akí.
